Casspir ئۆتۆمبێلی دژه‌ مین ی باشوری ئه‌فه‌ریقی

ئۆتۆمبێلی casspir ی پێشمه‌رگه‌

وێنه‌كه‌ به‌ سوپاسه‌وه‌ وه‌رگیراوه‌ له‌ به‌ڕێز (نۆژدار هه‌ركی)

Casspir ئۆتۆمبێلی دژه‌ مین MPV ه‌ له‌ وڵاتی باشوری ئه‌فه‌ریقا دروستكراوه‌ له‌لایه‌ن كۆمپانیای TMF Limited ، یه‌كه‌م نموونه‌ی تاقیكردنه‌وه‌یی له‌ سالی 1979 دروستكراوه‌ و له‌ ساڵی 1981 ده‌ستی به‌ خزمه‌تی سه‌ربازیكردوه‌ له‌ باشوری ئه‌فه‌ریقا ، ئه‌م ئۆتۆمبێله‌ له‌سه‌ر بۆدی گه‌ڵابه‌ی Bedford دروستكراوه‌ ، Casspir یه‌كێكه‌ له‌یه‌كه‌م ئه‌و ئۆتۆمبێلانه‌ی كه‌ بنه‌كه‌یان له‌ شێوه‌ی V دروستكراوه‌ بۆ دابینكردنی پاراستن دژی مین و عبوه‌كان ، له‌ ئێستادا زیاتر له‌ 2000 ئۆتۆمبێل له‌م جۆره‌ له‌ زۆر وڵاتدا خزمه‌تده‌كه‌ن له‌وانه‌ش عێراق ، ئه‌فغانستان و ناوبانگێكی باشی هه‌یه‌ له‌ پاراستن و پته‌ویدا.

 Bedford گه‌ڵابه‌ی

پاراستن Protection

ئه‌م ئۆتۆمبێله‌ تایبه‌ت دروستكراوه‌ بۆ پاراستنی سه‌ربازه‌كان له‌ مین و عبوه‌كان و ده‌توانێـت به‌رگه‌ی 21كغ TNT بگرێت له‌ژێر تایه‌كاندا و 16كغ TNT له‌ژێر بۆدیه‌كه‌یدا ، بۆدی ئۆتۆمبێله‌كه‌ له یه‌ك به‌ش دروستكراوه‌ و قه‌لغانه‌كانی ده‌توانن به‌رگه‌ی فیشه‌كی 7.62ملم ی قه‌ڵغان-بڕ بگرن.

چه‌كه‌كان Armament

Casspir له‌ 1 تاوه‌ر بۆ 3 تاوه‌ری هه‌یه‌ (ئه‌وه‌ی پێشمه‌رگه‌ هه‌یه‌تی 2 تاوه‌ری هه‌یه‌) كه‌ ده‌توانرێـت ڕه‌شاشێكی 12.7ملم ی بۆ دابنرێت له‌گه‌ڵ ڕه‌شاشێكی 7.62ملم ، هه‌روه‌ها ئۆتۆمبێله‌كه‌ 12 شوێنی هه‌یه‌ بۆ ئه‌وه‌ی سه‌ربازه‌كان له‌ ناو ئۆتۆمبێله‌كه‌وه‌ به‌ چه‌كی خۆیان ته‌قه‌ بكه‌ن.

ئه‌و شوێنانه‌ی كه‌ سه‌ربازه‌كان به‌ چه‌كی خۆیان ته‌قه‌ی لێوه‌ده‌كه‌ن 

جوڵه‌ Mobility

Casspir ده‌توانێت 10 سه‌رباز هه‌ڵبگرێت و توانایه‌كی زۆری هه‌یه‌ له‌ جوڵه‌كردندا ، بزوێنه‌رێكی دیزڵی بۆ دانراوه‌ له‌ جۆری ADE 352T كه‌ تواناكه‌ی ده‌گاته‌ 170h/p و خێرایی ئۆتۆمبێله‌كه‌ ده‌گاته‌ 90km/h و مه‌وداكه‌ی ده‌گاته‌ 850km.

زانیاری گشتی

وڵات : باشوری ئه‌فه‌ریقا

ساڵی ده‌ستپێكردنی خزمه‌ت : 1981

ژ.ستاف : 2 كه‌س 

ژ.كه‌سه‌كان : 10 كه‌س

كێش : 12.5 ته‌ن
درێژی : 6.87م
پانی : 2.5م
به‌رزی : 2.85م

توانای به‌رگه‌گرتنی قه‌ڵغانه‌كان : فیشه‌كی 7.62ملم قه‌ڵغان بڕ 

                                         21كغ TNT له‌ژێر تایه‌كاندا

                                         16كغ TNT له‌ژێر بۆدیه‌كه‌یدا

چه‌كه‌كان : 1 ڕه‌شاشی 12.7ملم

              2 ڕه‌شاشی 7.62ملم

بزوێنه‌ر : ADE 352T

توانای بزوێنه‌ر : 170h/p

خێڕایی : 90km/h

مه‌ودا : 850km

BRDM-2 ئۆتۆمبێلی گه‌ڕانی وشكاوه‌كی سۆڤێتی

BRDM-2 ئۆتۆمبێلێكی گه‌ڕانی وشكاوه‌كی سۆڤێتیه‌ له‌ سه‌ره‌تاكانی شه‌سته‌كانی سه‌ده‌ی ڕابردوو په‌ره‌یپێدراوه‌ و له‌ ساڵی 1962 چووه‌ته‌ خزمه‌تی سه‌ربازی له‌ یه‌كیه‌تی سۆڤێت و له‌ ساڵی 1963دا ده‌ستكرا به‌ دروستكردنی ڕێژه‌یی و ژماره‌یه‌كی زۆری لێدروستكراوه‌ و ئێستاش له‌ خزمه‌تی سه‌ربازیدایه‌ له‌ زیاتر له‌ 50 ولاتی جیهان ، له‌ ئۆتۆمبێلی BRDM-2دا بزوێنه‌ره‌كه‌ له‌ به‌شی دواوی ئۆتۆمبێله‌كه‌ دانراوه‌ بۆ زیادكردنی قه‌باره‌ی ناوه‌كى.

پاراستن Protection

قه‌ڵغانه‌كانی ئه‌م ئۆتۆمبێله‌ لاوه‌زه‌ و ته‌نها ده‌یپارێزێت له‌ فیشه‌كی چه‌كی ده‌ستی و پارچه‌ی گوله‌تۆپه‌ بچوكه‌كان ، به‌تایبه‌تی تایه‌كانی ئه‌گه‌ری كونكردنیان زۆره‌ ، له‌ چه‌ند گه‌شه‌پێدانێكدا دوكه‌ڵ هاوێژ بۆ ئۆتۆمبێله‌كه‌ دانراوه‌ .

چه‌كه‌كان Armament

BRDM-2 تاوه‌رێكی هه‌یه‌ كه‌ ڕه‌شاشێكی 14.5ملم بۆدانراوه‌ له‌گه‌ڵ ڕه‌شاشێكی ناوه‌ندی 7.62ملم ، هه‌مان ئه‌م تاوه‌ره‌ بۆ زریپۆشی BTR60 سۆڤێتی دانراوه‌ ، هه‌روه‌ها BRDM-2 ده‌توانێت بكرێت به‌ تێكشكێنه‌ری تانك له‌به‌ر ئه‌وه‌ی ده‌توانێت موشه‌كی دژه‌ تانك له‌ جۆری AT-2 و AT-3 و AT-4 و AT-5 بهاویژێت.

جوڵه‌ Mobility

ئۆتۆمبێله‌كه‌ بزوێنه‌رێكی پتڕۆڵی بۆدانراوه‌ له‌ جۆری GAZ-41 كه‌ هێزه‌كه‌ی ده‌گاته‌ 140h/p خێرایی ئۆتۆمبێله‌كه‌ له‌سه‌ڕ ڕیگا ده‌گاته‌ 100km/h و له‌سه‌ر ئاودا ده‌گاته‌ 10km/h به‌ به‌كارهێنانی بزوێنه‌رێكی ئاوی به‌ناو ئاوه‌كه‌دا ده‌ڕوات ، مه‌وداكه‌ی ده‌گاته‌ 750km ، ئه‌م ئۆتۆمبێله‌ 4 تایه‌ی بچوكی هه‌یه‌ له‌ نێوان 4 تایه‌ سه‌ره‌كیه‌كه‌وه‌ كه‌ ئه‌م تایانه‌ ده‌توانرێت دابه‌زێنرێن له‌ كاتی بڕینی ڕێگه‌ سه‌خته‌كاندا.

زانیاری گشتی 

وڵات : یه‌كیه‌تی سۆڤێت 

ساڵی ده‌ستپێكدنی خزمه‌ت : 1962

ستاف : 4 كه‌س

كێش : 7 ته‌ن

درێژی : 5.75م

پانی : 2.35م

به‌رزی : 2.31م

چه‌كه‌كان : 1 ڕشاشی 14.5ملم 

              1 ڕه‌شاشی 7.62ملم

ئازوقه‌ : 500 فیشه‌كی 14.5ملم

           2000 فیشه‌كی 7.62ملم

بزوێنه‌ر : GAZ-41

توانای بزوێنه‌ر : 140h/p

خێڕایی : 100km/h

خێرایی له‌ ئاودا : 10km/h

مه‌ودا : 750km/h

D-30 تۆپهاوێژی سۆڤێتی

D-30 تۆپهاوێژێكی ڕاكێشراوی سۆڤێتیه‌ له‌ كۆتاییه‌كانی په‌نجاكانی سه‌ده‌ی ڕابردوو په‌ره‌ی پێدراوه‌ بۆ جێگه‌گرتنه‌وه‌ی تۆپهاوێژی M-30 كه‌ له‌جه‌نگی جیهانی دووه‌مدا خزمه‌تی كردووه‌ ، D-30 زۆر به‌تواناتره‌ و ئاستی زۆر باشتره‌ سه‌ڕه‌ڕای ئه‌وه‌ی هه‌مان جۆر گوله‌ به‌كارده‌هێنن ، ئه‌م تۆپهاوێژه‌ له‌ زۆر وڵات به‌ مۆڵه‌ت دروستده‌كرا له‌عێراق به‌ناوی سه‌دام دروستده‌كرا ، ئه‌م تۆپهاوێژه‌ دیزاینێكی تاكی هه‌یه‌ و بۆدیه‌كی سێ قاچی به‌كارده‌هێنێت كه‌ توانا ده‌داته‌ تۆپهاوێژه‌كه‌ تا °360 بسوڕێته‌وه‌ ، قه‌ڵغانه‌كانی كه‌مێك پاراستن بۆ ستافی تۆپهاوێژه‌كه‌ دابین ده‌كه‌ن كه‌ له‌ 7 كه‌س پێكدێن.

D-30 گوله‌ی 122ملم به‌كارده‌هێنێت كه‌ تۆپهاوێژی M-30 هه‌ر ئه‌م جۆره‌ گولانه‌ی به‌كارئه‌هێنا ، به‌ڵام D-30 گوله‌ی نوێش به‌كارده‌هێ ، دوا خێرایی ته‌قاندن له‌ خوله‌كێكدا ده‌گاته‌ 7-8 گوله‌ ، دوا مه‌ودای گوله‌كه‌ ده‌گاته‌ 15.4كم له‌ گوله‌ی ته‌قینه‌ووه‌ی به‌هێزی پارچه‌بوو ، به‌ڵام له‌ گوله‌ی هاوكاری-موشه‌كی چینیدا مه‌وداكه‌ی ده‌گاته‌ 21.9كم ، لوله‌كه‌ی 70+ پله‌ به‌رزده‌بێته‌ و 7- پله‌ نزم ده‌بێته‌وه‌.

زۆربه‌ی جار ئه‌م تۆپهاوێژه‌ له‌لایه‌ن گه‌ڵابه‌یه‌كی 6x6 پاڵی ڕاده‌كێشرێت وه‌كو گه‌ڵابه‌ی Ural 375D ، گه‌ڵابه‌كه‌ ستاف و 80 گوله‌ش هه‌ڵده‌گرێـت ، له‌كاتی ڕاكێشاندا تۆپهاوێژه‌كه‌ له‌سه‌ر دوو تایه‌كه‌ی ده‌ڕوات و ده‌توانرێت به‌ خێرای 80km/h تۆپهاوێژه‌كه‌ ڕابكێشرێت.

زانیاری گشتی 

تۆپهاوێژی D-30

جۆر : تۆپهاوێژی ڕاكێشراو

وڵات : یه‌كیه‌تی سۆڤێت

ستاف : 7 كه‌س

تیره‌كه‌ی : 122ملم

مه‌ودا : 15.4كم

خێرایی ته‌قاندن : 7-8 گوله‌ له‌ خوله‌كێكدا

كێش : 3.15 ته‌ن 

درێژی (باری گواستنه‌وه‌) : 5.4م

پانی (باری گواستنه‌وه‌) : 1.95م

به‌رزی (باری گواستنه‌وه‌) : 1.66م

----------------------------------------------------

تۆپهاوێژی D-30J كه‌ عێراق دروستی ده‌كرد به‌ناوی سه‌دام

جۆر : تۆپهاوێژی ڕاكێشراو

وڵات : عێراق 

ناو : سه‌دام 

تیره‌كه‌ی : 122ملم

مه‌ودا : 15.3كم

خێرایی ته‌قاندن : 6-8 گوله‌ له‌ خوله‌كێكدا

كێش : 3.35 ته‌ن 

درێژی (باری گواستنه‌وه‌) : 5.33م

پانی (باری گواستنه‌وه‌) : 1.95م

به‌رزی (باری گواستنه‌وه‌) : 1.66م

T-55 تانكی سۆڤێتی

تانكی T-55 بریتیه‌ له‌ په‌ره‌پێدانێكی زیاتری تانكی T-54 ، په‌ره‌پێدانه‌كه‌ ئه‌سته‌مه‌ له‌ ڕوكاری ده‌ره‌وه‌ هه‌ستی پێبكرێـت ، ئه‌م په‌ره‌پێدانه‌ تانكه‌كه‌ی كاراتر و بكوژتر كردوه‌ ، له‌ ساڵی 1958دا ده‌ستی به‌خزمه‌تی سه‌ربازی كردوه‌ له‌ سوپای سور ، ئه‌م تانكه‌ به‌ مۆڵه‌ت له‌ هه‌ریه‌ك له‌ وڵاتانی چین ، چیكۆسلۆڤاكیا ، پۆڵه‌ندا دروستده‌كرێت ، به‌پێی خه‌ڵماندنه‌كان 70000 تانكی T-54/55 له‌ وڵاتانی یه‌كیه‌تی سۆڤێت و چیكۆسلۆڤاكیا و پۆڵه‌ندا دروستكراوه‌ (ئه‌م خه‌ڵماندنه‌ ئه‌و تانكانه‌ ناگرێته‌وه‌ كه‌ له‌ چین دروستكراون) ، هه‌روه‌ها ئه‌م تانكانه‌ له‌ زیاتر له‌ 20 جه‌نگ به‌شداریان كردوه‌ ، هه‌تاكو ئێستا له‌ زیاتر له‌ 50 وڵات خزمه‌تی سه‌ربازی ده‌كات.

تانكی T-55 به‌شێوه‌یه‌كی به‌رده‌وام په‌ره‌ی پێدراوه‌ له‌لایه‌ن زۆر وڵاته‌وه‌.

پاراستن Protection 

ئه‌م تانكه‌ به‌شێوه‌یه‌كی زۆر كاریگه‌ری ئه‌زمونی یه‌كیه‌تی سۆڤێتی له‌ جه‌نگی جیهانی دووه‌مدا پێوه‌دیاره‌ ، T-55 یه‌كه‌م تانكی سۆڤێتی بوو كه‌ سیستمی پاراستنی له‌ كارتێكه‌ره‌ ناوه‌كی و بایۆلۆجی و كیمیایی NBC بۆ دانرابوو ، له‌ كاتێكدا كه‌ ته‌نها تانك بوو كه‌ ده‌یتوانی به‌رده‌وامبێت له‌ شه‌ڕ له‌ دوای ته‌قینه‌وه‌یه‌كی ناوه‌كی نزیك ، تانكه‌كه‌ قه‌ڵغانی پۆڵاینی بۆ دانرابوو كه‌ به‌ له‌حیم به‌یه‌كه‌وه‌ به‌سترابوو ، قه‌ڵغانی پێشه‌وه‌ی °60 لاره‌ ، هه‌روه‌ها سیستمێكی ئاگركوژێنه‌وه‌ی ئۆتۆماتیكی بۆ دانراوه كه‌ له‌وكاته‌دا داهێنان بوو ، هه‌روه‌ها ده‌توانێـت به‌ربه‌ستێك له‌ دوكه‌ڵ دروستبكات به‌ به‌نزینكردنه‌ ناو ئه‌كسۆزی تانكه‌كه‌وه‌.

 چه‌كه‌كان Armament

T-55 تۆپهاوێژێكی 100ملم بۆ دانرابوو ، ئه‌گه‌ری پێكانی ئامانجه‌كه‌ی له‌ كاتی جوڵه‌دا به‌ خێرایی 12km/h ده‌گاته‌ 60% ، ده‌توانێت 43 گوله‌ هه‌ڵبگرێت به‌ڵام تانكی T-54 ده‌یتوانی ته‌نها 34 گوله‌ هه‌ڵبگرێت ،هه‌روه‌ها ڕه‌شاشێكی ناوه‌ندی 7.62ملم هه‌یه‌ ، یه‌كه‌م جار ڕه‌شاشی 12،7ملم لابرا له‌سه‌ر تانكه‌كه‌ چونكه‌ كاریگه‌ری نه‌بوو دژی فڕۆكه‌ نوێیه‌كان ، به‌ڵام له‌ ساڵی 1972دا جارێكی تر ڕه‌شاشه‌كه‌یان بۆ دانایه‌وه‌.

جوڵه‌ Mobility

ئه‌م تانكه‌ له‌لایه‌ن 4 كه‌سه‌وه‌ به‌ڕێوه‌ ده‌برێـت (فه‌رمانده‌ ، شۆفێر ، به‌كارهێنه‌ری تۆپ ، پڕكه‌ره‌وه‌ ) ، ئه‌م تانكه‌ بزوێنه‌رێكی دیزڵی بۆ دانراوه‌ له‌ جۆری V-55 كه‌ تواناكه‌ی ده‌گاته‌ 520hp , له‌ تانكی T-54دا بزوێنه‌رێكی لاوازتر و باوه‌ڕپێنه‌كراو له‌ جۆری V-45 به‌كارده‌هات ، خێرایی ده‌گاته‌ نزیكه‌ی 50km/h له‌سه‌ر ڕێگا ، دوا مه‌ودای تانكه‌كه‌  ده‌گاته‌ 400km ، هه‌روه‌ها ده‌توانێت 5م بچێته‌ ژێر ئاوه‌وه‌ به‌ به‌كارهێنای پێداویستی تایبه‌ت.

زانیاری گشتی 

وڵات : یه‌كیه‌تی سۆڤێت

ساڵی ده‌ستپێكردنی خزمه‌ت : 1958

ژ.ستاف : 4

كێش : 36ته‌ن

درێژی (تۆپهاوێژه‌كه‌ بۆ پێشه‌وه‌) : 9م

درێژی بۆدیه‌كه‌ : 6م

پانی : 3.27م

به‌رزی : 3م

چه‌كه‌كان : تۆپهاوێژێكی 100ملم

              ڕه‌شاشێكی ناوه‌ندی 7.62ملم

              ڕه‌شاشێكی 12.7ملم

ئازوقه‌ : 43 گوله‌ی 100ملم

           3500 فیشه‌كی 7.62ملم 

           200 فیشه‌كی 12.7ملم

بزوێنه‌ر : V-55

توانای بزوێنه‌ر : 520hp

دوا خێرایی : 50km/h

دوا مه‌ودا : 400km

چونه‌ ژێر ئاو : 5م

BMP-1 زريپۆشی پیاده‌ی شه‌ڕكه‌ری ڕوسی

په‌ره‌پێدانی زریپۆشی پیاده‌ی شه‌ڕكه‌ری  BMP-1 له‌ ساڵی 1960 ده‌ستیپێكرد و له‌ ساڵی 1966 ده‌ستی به‌ خزمه‌تی سه‌ربازی كرد ، بۆ یه‌كه‌م جار له‌ ساڵی 1967دا ده‌ركه‌وت و هه‌رایه‌كی زۆری له‌ ڕۆژئاوا نایه‌وه‌ به‌ هۆی ئه‌و توانایه‌ی له‌ جوڵه‌ و هه‌ڵگرتنی سه‌رباز و چه‌كه‌كانی هه‌یه‌تی ، ڕێژه‌یه‌كی زۆر له‌م زریپۆشه‌ دروستكرا و به‌شێوه‌یه‌كی به‌رفراوان هه‌نارده‌ كرا له‌لایه‌ن یه‌كیه‌تی سۆڤێته‌وه‌ ، BMP-1 له‌ هه‌ریه‌ك له‌ وڵاتانی چین ، چیكۆسلۆڤاكیا ، ڕۆمانیا دروستده‌كرێت ، له‌ زۆر جه‌نگدا به‌شداری كردووه‌ و له‌ ئێستادا به‌ ڕێژه‌یه‌كی زۆر له‌ خزمه‌تی سه‌ربازیدایه‌ ، BMP-1 زۆر جۆر گه‌شه‌پێدانی هه‌یه‌ كه‌ زۆربه‌یان به‌ شێوه‌یه‌كی ناوخۆیی گه‌شه‌یان پێدراوه‌ بۆ دابینكردنی پێداویستیه‌ ناوخۆیه‌كان ، زۆربه‌یان قه‌ڵغانیان بۆ زیادكراوه‌ یان چه‌كێكی تریان بۆ داناوه‌.

زریپۆشێكی BMP-1 كه‌ له‌لایه‌ن تیرۆرسته‌ ئیسلامیه‌كان له‌ سوریا گه‌شه‌یپێدراوه‌

چه‌كه‌كان Armament

تاوه‌رێكی یه‌ك كه‌سی هه‌یه‌ كه‌ چه‌كێكی 73ملم ی بۆ دانراوه‌ له‌ جۆری 2A28 و 40 گوله‌ی هه‌ڵگرتوه‌ ، به‌ڵام مه‌ودای پێكانی ئه‌م چه‌كه‌ كه‌مه‌ و ده‌گاته‌ 765م دوا مه‌وداكه‌ی ده‌گاته‌ 1300م ، ئه‌م چه‌كه‌ پڕكه‌ره‌وه‌یه‌كی ئۆتۆماتیكی بۆ دانراوه‌ و خێرایی ته‌قاندنی ده‌گاته‌ 8 بۆ 10 گوله‌ له‌ خوله‌كێكدا ، هه‌روه‌ها ڕه‌شاشێكی ناوه‌ندی 7.62ملم هه‌یه‌ له‌ جۆری PKT ، هه‌روه‌ها ده‌توانرێت موشه‌كێكی دژه‌ تانی ئاڕاسته‌كراو له‌ جۆری AT-3 Sagger ی بۆ دابنرێـت ، له‌ مۆدیلی BMP-1P دا كه‌ له‌ ساڵی 1979دا دروستكراوه‌ موشه‌كی ئاڕاسته‌كراوی جۆری AT-4 Spigot یان AT-5 Spandrel ی بۆ دانراوه‌ ، هه‌روه‌ها زریپۆشه‌كه‌ چه‌ند شوێنێكی هه‌یه‌ بۆ ئه‌وه‌ی سه‌ربازه‌كان له‌ناو زریپۆشه‌كه‌وه‌ ته‌قه‌ بكه‌ن.

پاراستن Protection

قه‌ڵغانه‌كانی BMP-1 له‌ لاكان و پشته‌وه‌ زریپۆشه‌كه‌ له‌ فیشه‌كی 12.7ملم ده‌پارێزن و قه‌ڵغانه‌كانی پێشه‌وه‌ زریپۆشه‌كه‌ له‌ فیشه‌كی 20ملم ده‌پارێزێن ، هه‌روه‌ها ئه‌م زریپۆشه‌ سیستمی ئاگر كوژێنه‌وه‌ی ئۆتۆماتیكی بۆ دانراوه‌ له‌گه‌ڵ سیستمی پاراستن له‌ كارتێكه‌ره‌ ناوه‌كی و بایۆلۆجی و كیمیاییه‌كان NBC.

جوڵه‌ Mobility

ستافی زریپۆشه‌كه‌ له‌ 3 كه‌س پێكدێت (شۆفێڕ ، فه‌رمانده‌ ، به‌كارهێنه‌ری چه‌ك) و ده‌توانێـت 8 كه‌س هه‌ڵبگرێت كه‌ له‌ ده‌رگاكانی دواوه‌ دێنه‌ ناو زریپۆشه‌كه‌وه‌ ، BMP-1 بزوێنه‌رێكی تۆربۆ دیزڵی بۆ دانراوه‌ له‌ جۆری  UTD-20 كه‌ تواناكه‌ی ده‌گاته‌ 300h/p و خێڕایی زریپۆشه‌كه‌ ده‌گاته‌ 65km/h له‌سه‌ر وشكانی و 7km/h له‌سه‌ر ئاو ، مه‌وداكه‌ی ده‌گاته‌ 600km ، بزوێنه‌ره‌كه‌ له‌ پێشه‌وه‌ی زریپۆشه‌كه‌ دانراوه‌ و ده‌توانێـت به‌ شێوه‌یه‌كی ئاسان بگۆڕدرێـت ، هه‌روه‌ها ئه‌م زریپۆشه‌ وشكاوه‌كییه‌و ده‌توانێت له‌سه‌ر ئاو بڕوات كه‌ زنجیره‌كان به‌كاردێنێت بۆ جوڵه‌كردن له‌ ئاودا.

زانیاری گشتی 

وڵات : ڕوسیا

ساڵی ده‌ستپێكردنی خزمه‌ت : 1966

ژ.ستاف : 3 

ژ.كه‌سه‌كان : 8 

كێش : 13ته‌ن

درێژی : 6.74م

پانی : 2.94م

به‌رزی : 2.15م

چه‌كه‌كان : 1 چه‌كی 73ملم
              1 ڕه‌شاشی 7.62ملم 
              موشه‌كی ئاڕاسته‌كراوی دژه‌ تانك

ئازوقه‌ : 40 گوله‌ی 73ملم
           2000 فیشه‌كی 7.62ملم

بزوێنه‌ر :  UTD-20

توانای بزوێنه‌ر : 300h/p

خێرایی له‌سه‌ر وشكانی : 65km/h

خێرایی له‌سه‌ر ئاو : 7km/h
مه‌ودا : 600km

ATF Dingo-1 ئۆتۆمبێلی ئه‌ڵمانی

ئۆتۆمبێلی ATF Dingo-1 له‌لایه‌ن كۆمپانیای  Krauss-Maffei Wegmann دروستكراوه‌ ، یه‌كه‌م نمونه‌ی تاقیكردنه‌وه‌یی له‌ ساڵێ 1995 ئاماده‌كراوه‌ و له‌ ساڵی 1999دا له‌لایه‌ن سوپای ئه‌ڵمانیا هه‌ڵبژێردرا و له‌ ساڵی 2000دا ده‌ستیكرد به‌ خزمه‌تی سه‌ربازی له‌ وڵاتی ئه‌ڵمانیا ، ئه‌م ئۆتۆمبێله‌ ئۆتۆمبێڵێكی گواستنه‌وه‌ی گشت-پارێزراوه‌ all-protected transport vehicle كۆی 147دانه‌ی لێدروستكراوه‌ بۆ سوپای ئه‌ڵمانیا و 15 دانه‌ی نێردراوه‌ بۆ پێشمه‌رگه‌ ، سوپای ئه‌ڵمانیا ئه‌م ئۆتۆمبێله‌ی له‌ نێرده‌كانی نه‌ته‌وه‌ یه‌كگرتوه‌كان بۆ پاراستنی ئاشتی له‌ وڵاتانی كۆسۆڤۆ ، مه‌كدۆنیا ، ئه‌فغانستان به‌كارهێناوه‌ ، ATF Dingo-1 له‌سه‌ر بۆدی گه‌ڵابه‌ی مارسیدس بێنز UNIMOG U1550L دروستكراوه‌.

پاراستن Protection

ATF Dingo-1 زۆر گونجاوه‌ بۆ ئۆپراسیۆنه‌كانی پاراستنی ئاشتی ، قه‌ڵغانێكی به‌هێزی هه‌یه‌ ، بنه‌كه‌ی له‌ شێوه‌ی V دروستكراوه‌ بۆ زیادكردنی به‌رگری دژی مین و ته‌قه‌مه‌نیه‌كانی سه‌ر ڕێگا ، هه‌روه‌ها دیزاینكراوه‌ بۆ به‌رگه‌گرتنی هێرشی ڕاسته‌وخۆ ، پارچه‌ی گوله‌تۆپ ، هه‌روه‌ها سیستمی پاراستنی هه‌یه‌ له‌ كارتێكه‌ره‌ ناوه‌كی و بایۆلۆجی و كیمیاییه‌كان NBC ، ئه‌م ئۆتۆمبێڵه‌ قه‌ڵغانی MEXAS به‌كاردێنێت كه‌ توانا ده‌داته‌ ئۆتۆمبێڵه‌كه‌ بۆ زیادكردنی قه‌ڵغانه‌كان ، جامه‌كانی ئۆتۆمبێله‌كه‌ به‌ شێوه‌یه‌كی لار دانراون بۆ به‌رگه‌گرتنی فیشه‌ك و ته‌قینه‌وه‌كان.

چه‌كه‌كان Armament

ڕه‌شاشێكی 7.62ملم بۆ دانراوه‌ له‌ جۆری MG و ده‌توانرێـت ڕه‌شاشێكی 12.7ملم یان نارنجۆك هاوێژێكی 40ملم بۆ دابنرێـت ، هه‌روه‌ها ده‌توانرێـت تاوه‌رێكی ئۆتۆماتیكی بۆ دابنرێت كه‌ له‌ ناو ئۆتۆمبیلكه‌وه‌ ته‌قه‌ی پێده‌كرێت .

جوڵه‌ Mobility

ATF Dingo-1 توانای هه‌ڵگرتنی 1400كغ هه‌یه‌ ، ئه‌م ئۆتۆمبێله‌ له‌چه‌ند به‌شێك دیزاینكراوه‌ كه‌ پێكهاتوه‌ له‌ بۆدی ئۆتۆمبێڵه‌كه‌ ، به‌شی بزوێنه‌ره‌كه‌ ، په‌رشكه‌ری ته‌قینه‌وه‌كان ، شوێنی دانیشتن كه‌ جێگه‌ی 7 كه‌س ده‌بێـه‌وه‌ له‌گه‌ڵ شۆفێرێك ، هه‌روه‌ها له‌ پشته‌وه‌ شوێنێكی هه‌ڵگرتنی شتومه‌كی هه‌یه‌ كه‌ به‌ قوماش داپۆشراوه‌ له‌ جیاتی كانزا بۆ كه‌مكردنه‌وه‌ی كێش ، بزوێنه‌رێكی دیزڵی مارسیدز بێنز ی بۆ دانراوه‌ كه‌ تواناكه‌ی ده‌گاته‌ 237h/p و خێرایی 120km/h ده‌دات به‌ ئۆتۆمبێله‌كه‌ ، مه‌وداكه‌ی ده‌گاته‌ 700km.

زانیاری گشتی 

وڵات : ئه‌ڵمانیا 

كۆمپانیای به‌رهه‌مهێن : Krauss-Maffei Wegmann

ساڵی ده‌ستپێكردنی خزمه‌ت : 2000

ژ.كه‌سه‌كان : 1 شۆفێر + 7 كه‌س

كێش : 8.8ته‌ن

درێژی : 5.4م

پانی : 2.3م

به‌رزی : 2.4م

بزوێنه‌ر : Mercedes-Benz diesel

توانای بزوێنه‌ر : 237h/p

خێرایی :  120km/h

مه‌ودا : 700km

M-1939 چه‌كی دژه‌ فڕۆكه‌ی سۆڤێتی 37ملم

چه‌كی دژه‌ فڕۆكه‌ی سۆڤێتی (M1939 (61-K له‌ كۆتایی سیه‌كانی سه‌ده‌ی ڕابردوودا په‌ره‌ی پێدراوه‌ و له‌ساڵی 1939دا ده‌ستی به‌خزمه‌ت كردوه‌ له‌ سوپای ڕوسیادا و به‌شداری كردوه‌ له‌ جه‌نگی جیهانی دووه‌مدا ، به‌ڵام له‌ ئێستادا كاریگه‌ریی زۆر كه‌مه‌ به‌رامبه‌ر به‌ فڕۆكه‌ جه‌نگیه‌ نوێیه‌كان و توانای كه‌م ده‌بێته‌وه‌ له‌ كه‌ش و هه‌وای خراپدا ، به‌ڵام ده‌توانرێت بۆ پشتیوانی زه‌مینی به‌كاربهێنرێـت ، له‌ ئێستادا ئه‌م چه‌كه‌ له سوپای ڕوسیادا خزمه‌ت ناكات به‌ڵام هه‌تاكو ئێستا له‌ چه‌ند وڵاتێك له‌ ڕۆژهه‌ڵاتی ناوه‌ڕاست و ئه‌فه‌ریقا خزمه‌تده‌كات 

ئه‌م چه‌كه‌ 1 لوله‌ی 37ملم هه‌یه‌ ، ده‌توانێـت 200 گوله‌ هه‌ڵبگرێت كه‌ 5دانه‌ ده‌خرێـته‌ ناو مه‌خزه‌نه‌كه‌یه‌وه‌ ، گوله‌ی قه‌ڵغانی بڕ AP-T ده‌توانێت 37ملم قه‌ڵغانی له‌یه‌كچوو RHA ببڕێت له‌ گۆشه‌ی 60 و دووری 500م و ده‌توانێـت 28ملم قه‌ڵغانی له‌یه‌كچوو RHA ببڕێت له‌ گۆشه‌ی 90 و دووری 1500م ، M1939 ده‌توانێت گوله‌ی قه‌ڵغان بڕی گڕدار AP-T و گوله‌ی پارچه‌بووی گڕدار FRAG-T و گوله‌ی خێرای زۆری قه‌ڵغان بڕ HVAP و گوله‌ی ته‌قینه‌وه‌ی به‌هێز HE به‌كاربێنێت

ئه‌م چه‌كه‌ 4 تایه‌ی هه‌یه‌ له‌كاتی ته‌قه‌كردندا 4تایه‌كه‌ به‌رز ده‌كرێنه‌وه‌ و له‌سه‌ر 4 پێ ده‌وه‌ستێـت به‌ڵام زۆربه‌ی كات ئه‌م چه‌كه‌ له‌سه‌ر گه‌ڵابه‌یه‌ك یان زریپۆشێك دانراوه‌ ، مه‌ودای كاريگه‌ری ئه‌م چه‌كه‌ به‌ شێوه‌یه‌كی ستونی 2499م ، مه‌ودای كاریگه‌ری له‌ گۆشه‌ی 45 دا 1768م ، له‌ گۆشه‌ی 65 دا 2865م ، مه‌ودای كاریگه‌ری به‌ شێوه‌ی ئاسۆیی 4389م ه‌ .

زانیاری گشتی

وڵات : ڕوسیا

ساڵی ده‌ستپێكردنی خزمه‌ت : 1939

ژ.ستاف : 5 كه‌س

كێش : 2100كغ

درێژی : 5.5م

پانی : 1.78م

به‌رزی : 2.10م

تیره‌كه‌ی : 37ملم

ژماره‌ی لوله‌كان : 1

مه‌ودای كاریگه‌ر (دژه‌ فڕۆكه‌) : 2500م

دوا مه‌ودا : 7كم

HJ-8E موشه‌كی دژه‌ تانكی چینی

موشه‌كی چینی Hong jian-8 (تیری سور) نه‌وه‌ی دووه‌می موشه‌كی ئاڕاسته‌كراوی دژه‌ تانكه‌ ، له‌لایه‌ن كۆمپانیای NORINCO دروستده‌كرێت و له‌ساڵی 1985 ده‌ستی به‌خزمه‌تی سه‌ربازی كردووه‌ ، مه‌ودایه‌كی دووری هه‌یه‌ و به‌ شێوه‌یه‌كی ڕاسته‌وخۆ به‌ره‌و ئامانج ئه‌ڕوات ، موشه‌كێكی به‌هێزه‌ و ده‌توانرێت پشتی پێببه‌سترێت ، ده‌توانێت 800ملم له‌ قه‌ڵغان ببڕێت ، موشه‌كی HJ-8E دوا په‌ره‌پێدانی ئه‌م موشه‌كه‌یه‌ و له‌ ناوه‌ڕاستی نه‌وه‌ته‌كانی سه‌ده‌ی ڕابردوو دروستكراوه‌ ، مه‌وداكه‌ی زیاتره‌ له‌ 4كم و ئه‌گه‌ری پێكانی ئامانجی ده‌گاته‌ %90 ، ئه‌م موشه‌كه‌ دوو كڵاوی هه‌یه‌ و ده‌توانێت ئه‌و تانكانه‌ تێكبشكێنێت كه‌ قه‌ڵغانی كاردانه‌وه‌ییان بۆ دانراوه‌ و توانای بڕینی قه‌ڵغانی ده‌گاته‌ 1000ملم ، ده‌توانرێـت له‌لایه‌ن پیاده‌وه‌ بگوازرێته‌وه‌ یان له‌سه‌ر ئۆتۆمبێل یان هه‌لیكۆپته‌ر دابنرێت ، ئه‌م موشه‌كه‌ له‌ موشه‌كی TOW ی ئه‌مه‌ریكی ده‌چێت و باشتره‌ له‌ موشه‌كی Millan فه‌ڕه‌نسی-ئه‌ڵمانی ، ئه‌م موشه‌كه‌ چه‌كێكی سه‌ره‌كی هه‌لیكۆپته‌ری جۆری Z-11 و Mi-17 و Gazelle ، له‌ پاكستان دروستده‌كرێت له‌ به‌ ناوی Baktar shikan.

تیره‌ی موشه‌كه‌كه‌ 120ملم و له‌ناو قاوێغێكدا هه‌ڵگیراوه‌ كه‌ دوای ته‌قاندن فڕێ ده‌درێت ، موشه‌كه‌كه‌ سیستمی ئاڕاسته‌كردنی نیمچه‌ ئۆتۆماتیكی به‌ڕێوه‌بردن بۆ هێڵی بینین SACLOS به‌كاردێنێت به‌ وایه‌ر زانیاریه‌كان بۆ موشه‌كه‌ ده‌گه‌یه‌نرێت ، خێرایی موشه‌كه‌كه‌ ده‌گاته‌ 219م/چ ، دووربینی بینایی به‌كاردێنێت ، ئه‌م موشه‌كه‌ چه‌ند جۆرێكی هه‌یه‌ كه‌ به‌پێی كاره‌كه‌یان جیاوازن.

زانیاری گشتی 

وڵات : چین

كۆمپانیای به‌رهه‌مهێن : NORINCO

ساڵی ده‌ستپێكردنی خزمه‌ت : 1985

تیره‌كه‌ی : 120ملم

كێش به‌ به‌تاڵی : 25كغ

دوا مه‌ودا : 4499م

شێوازی ئاڕاسته‌كردن : ئاڕاسته‌كردنی نیمچه‌ ئۆتۆماتیكی به‌ڕێوه‌بردن بۆ هێڵی بینین SACLOS به‌ وایه‌ر 

توانای بڕینی قه‌ڵغان : 1000ملم

GIAT 53T2 ڕه‌شاشی دژه‌ فڕۆكه‌ی فه‌ڕه‌نسی

GIAT 53T2 ڕه‌شاشێكی فه‌ڕه‌نسیه‌ ، له‌لایه‌ن كۆمپانیای Nexter دروستكراوه‌ (پێشتر ناوی GIAT بوو) ، له‌ ساڵی 1982دا پیشاندراوه‌ ، فه‌رمانی سه‌ره‌كی ڕه‌شاشی دژه‌ فڕۆكه‌یه‌ AAA و ده‌توانرێت بۆ دژی ئۆتۆمبێله‌ قه‌ڵغانداره‌كان و تاكه‌كان به‌كاربێت ، ئه‌م ڕه‌شاشه‌ فیشه‌كی ته‌قینه‌وه‌ی به‌هێزی سوتێنه‌ر HEI كه‌ خێراییه‌كه‌ی ده‌گاته‌ 1050م/چ و فیشه‌كی قه‌ڵغان بڕی له‌ جۆری APDS  كه‌ خێرایی ده‌گاته‌ 1293م/چ به‌كاردێنێت ، فیشه‌كی جۆری APDS ده‌توانێـت 20ملم قه‌ڵغان ببڕێت له‌ دووری 1000م ، دوا مه‌ودای فیشه‌كه‌كه‌ به‌ شێوه‌یه‌كی ستونی ده‌گاته‌ 6000م و مه‌ودای كاریگه‌ری به‌شێوه‌یه‌كی ئاسۆیی ده‌گاته‌ 2000م.

ئه‌م ڕه‌شاشه‌ ده‌توانرێت له‌سه‌ر گه‌ڵابه‌ و زریپۆش دابنرێت و ده‌توانرێت به‌ ئۆتۆمبێل ڕابكێشرێت (2 تایه‌ی بۆ دائه‌نرێت)، هه‌روه‌ها دووربینێكی بۆ دانراوه‌ كه‌ توانای گه‌وره‌كردنی ده‌گاته‌ x5.2 ، كێشی له‌ باری ئاماده‌یی ده‌گاته‌ 690كغ ، خێرایی ته‌قاندنی ده‌گاته‌ 740 فیشه‌ك له‌ ده‌قه‌یه‌كدا (به‌پێی دیزاین) به‌ڵام له‌ ڕاستیدا 200 فیشه‌ك ده‌ته‌قێنێت له‌ ده‌قه‌یكدا ، ڕه‌شاشه‌كه‌ °360 ده‌خولێته‌وه‌ و °8- نزم ده‌بێته‌ و °83+ به‌رز ده‌بێته‌وه‌ ، ستافه‌كه‌ی له‌ 2 كه‌س پێكدێت.

زانیاری گشتی

جۆر : ڕه‌شاشی دژه‌ فڕۆكه‌
وڵات : فه‌ڕه‌نسا
كۆمپانیای به‌رهه‌مهێن : Nexter (پێشتر GIAT)
ستاف : 2 كه‌س

تیره‌كه‌ی : 20ملم
كێش : 690كغ (باری ئاماده‌یی)
دوا مه‌ودا به‌شێوه‌ی ستونی : 6000م
مه‌ودای كاریگه‌ر به‌شێوه‌ی ئاسۆیی : 2000م
خێرایی ته‌قاندن(به‌پێی دیزاین) : 740 فیشه‌ك/ده‌قه‌یه‌ك
خێرایی ته‌قاندن(له‌ ڕأستیدا) : 200 فیشه‌ك/ده‌قه‌یه‌ك
بڕینی قه‌ڵغان : 20ملم له‌ دووری 1000م (فیشه‌كی APDS)

M-79 OSA موشه‌ك هاوێژی سڕبی

موشه‌ك هاوێژی 90ملم له‌ جۆری M-79 OSA له‌ شه‌ڕی نزیكدا به‌كاردێت ئه‌م چه‌كه‌ موشه‌ك هاوێژێكه‌ له‌سه‌ر شان ده‌ته‌قێنرێـت ، دژی زریپۆش به‌كاردێـت له‌دووری 350م و له‌ دژی ئامانجه‌ نه‌جوڵاوه‌كان وه‌كو شوێنی حه‌وانه‌ی دوژمن و حه‌شارگه‌كان له‌ دووری 600م به‌كاردێت ، ئه‌م موشه‌ك هاویژه‌ له‌ موشه‌ك هاوێژی فه‌ڕه‌نسی LRAC F1 ده‌چێت ، موشه‌كه‌كه‌ له‌ قاوێغێكدا داندراوه‌ كه‌ له‌ Fiberglass

M-79 OSA له‌ساڵی 1979 له‌ سڕبیا دیزاین كراوه‌ ، كێشه‌كه‌ی به‌ ئاماده‌یی 11.2كغ ( 6.2كغ هاوێژه‌ر ، 3.5 موشه‌ك ، 1.5 قاوغی موشه‌ك ) و درێژیه‌كه‌ی 1910ملم ، ستافی ڕاسته‌قینه‌ی ئه‌م چه‌كه‌ 2 كه‌سه‌ و ده‌توانرێـت به‌ 1 كه‌س به‌كاربهێنرێت ، هه‌روه‌ها ئه‌م هاوێژه‌ره‌ دووربینێكی له‌ جۆری CN-6 بۆ دانراوه‌ كه‌ توانای گه‌وره‌كردنی ده‌گاته‌ 4x

توانای بڕینی قه‌ڵغانی ده‌گاته‌ 400ملم ، خێرایی موشه‌كه‌كه‌ ده‌گاته‌ 250م/چ و دوا مه‌ودای ده‌گاته‌ 1960م و خێرایی ته‌قاندنی ده‌گاته‌ 5 موشه‌ك له‌ ده‌قه‌یه‌كدا ، ئه‌م چه‌كه‌ له‌ هه‌موو شه‌ڕه‌كانی یۆغۆسلاڤیا به‌شداری كردوه‌ له‌ دوای ده‌ستپێكردنی خزمه‌ت ، موشه‌كی ئه‌م 90ملم ئه‌م چه‌كه‌ ناتوانێـت به‌شی پێشه‌وه‌ی تانكه‌ نوێكان ببڕێت ، كرواتیا ئه‌م چه‌كه‌ دروستده‌كات به‌ناوی RL90 M95

زانیاری گشتی

جۆر : موشه‌ك هاوێژی دژه‌ تانك

وڵاتی دروستكه‌ر : یۆگۆسلاڤیا - سڕبیا

ساڵی دروستكردن : 1979

ستاف : 2 كه‌س 

تیره‌كه‌ی : 90ملم

كێشی گشتی : 11.2كغ

درێژی به‌ ئاماده‌یی : 1910ملم

مه‌ودای كاریگه‌ر : 350م بۆ ئامانجی جوڵاو ، 600م بۆ ئامانجی وه‌ستاو

دوا مه‌ودا : 1960م

توانای بڕینی قه‌ڵغان : 400ملم

Kornet-E موشه‌كی دژه‌ تانكی ئاڕاسته‌كراوی ڕوسی

موشه‌كی كۆرنێت و هاوێژه‌ره‌كه‌ی

Kornet-E ناوی جۆری هه‌نارده‌کراوی Export ی موشه‌كی ڕوسی كۆرنێت ه‌ ، ئه‌م سیسته‌مه‌ موشه‌كیه‌ یه‌كه‌م جار له‌ ساڵی 1994دا پیشاندرا ، له‌لایه‌ن ده‌زگای لێكۆڵینه‌وه‌ی KBP وه‌ په‌ره‌ی پێدراوه‌ ، ئه‌م موشه‌كه‌ ئێستا دروستده‌كرێت و له‌خزمه‌تی سه‌ربازیدایه‌ له‌ ڕوسیا و هاورده‌كراوه‌ بۆ وڵاتانی : عێراق ، سوریا ، ئیماڕات ، هیندستان ، یۆنان.. ئه‌م موشه‌كه‌ له‌ نه‌وه‌ی سێیه‌می موشه‌كی ئاڕاسته‌كراوه‌ و بۆ جێگه‌گرتنه‌وه‌ی موشه‌كی كۆنكۆرس و فاگۆت په‌ره‌یپێدراوه‌ ، دروستكراوه‌ بۆ تێكشكاندی تانكه‌ نوێیه‌كانی ناتۆ و ئه‌و تانكانه‌ی كه‌ قه‌ڵغانی كاردانه‌وه‌ییان بۆ دانراوه‌ ، له‌گه‌ڵ شوێنه‌ پته‌وكراوه‌كان ، ئه‌م سیسته‌مه‌ ده‌توانرێت له‌سه‌ر زۆر جۆر ئۆتۆمبێل دابنرێـت ، یان له‌سه‌ر پایه‌یێكی سێ قاچی دابنرێـت ، سیستمی كۆرنێت ی هه‌ڵگیراو له‌لایه‌ن كارگه‌ی ڤۆلسك Volsk دروستده‌كرێـت.

داعش ده‌ستی به‌سه‌ر ژماره‌یه‌كی زۆر موشه‌كی كۆرنێت گرت له‌دوای ڕاكردنی سوپای عێراق

موشه‌كی كۆرنێـت

موشه‌كی كۆرنێت تیره‌كه‌ی 152ملم ، دوو كڵاوی Tandem دژه‌ تانكی ته‌قینه‌وه‌ی به‌هێزی هه‌یه‌ بۆ به‌زاندنی ئه‌و تانكانه‌ی كه‌ قه‌ڵغانی كاردانه‌وه‌ییان بۆ دانراوه‌ ، كۆرنێت هه‌روه‌ها كڵاوی  سێرمۆباریكی Thermobaric هه‌یه‌ به‌كاردێنێت له‌دژی حه‌شارگه‌كان و شوێنه‌ پته‌وكراوه‌كان ، مه‌ودای Kornet-E ده‌گاته‌ 5500م له‌ ڕۆژدا و توانای بڕینی قه‌ڵغانی ده‌گاته‌ 1200ملم (1.2م) له‌ كڵاوی HEATدا ، كۆرنێت سیستمی ئاڕاسته‌كردنی نیمچه‌ ئۆتۆماتیكی به‌ڕێوه‌بردن بۆ هێڵی بینین SACLOS به‌ لێزه‌ر موشه‌كه‌كه‌ ئاڕاسته‌ ده‌كرێت له‌لایه‌ن هاوێژه‌ره‌كه‌وه‌ و موشه‌كه‌كه‌ به‌ ده‌وری هێڵی دووربینه‌كه‌دا ده‌سوڕێته‌وه‌ و له‌ كۆتایدا له‌ ئامانجه‌كه‌ ده‌دا.

موشه‌كی 9М133-1 كه‌ كڵاوی HEAT هه‌یه‌

موشه‌كی 9М133F-1 ی كه‌ كڵاوی سێرمۆباریكی هه‌یه‌

هاوێژه‌ری سێ قاچ Tripod

هاوێژه‌ره‌كه‌ دووربینێكی بینایی Optical و دووربینێكی گه‌رمی Thermal ، موشه‌كه‌كان له‌ قاوغێكدا داده‌ندرێن ئاماده‌ن بۆ هاویشتن و گواستنه‌وه‌ ، به‌كارهێنه‌ره‌كه‌ یان دووربنی بینایی Optical له‌ جۆری 1PN80 یان دووربینی گه‌رمی Thermal له‌ جۆری 1PN79M-1 به‌كاردێنێـت بۆ بینینی ئامانجه‌كه‌ 

دووربینی گه‌رمی 1PN79M-1

هاوێژه‌ری سه‌ر ئۆتۆمبێل 

سیستمی كۆرنێـت له‌سه‌ر زۆرێك له‌ ئۆتۆمبێل و زریپۆش داده‌ندرێـت و له‌سه‌ر زریپۆشی BMP-3 دانراوه‌ كه‌ له‌ساڵی 1980 ده‌ست به‌ دروستكردنی كراوه‌ و بینینی شه‌وانه‌ی بۆ دانراوه‌ ، ئه‌م جۆره‌ هاوێژه‌ره‌ ده‌توانێت 2 موشه‌ك له‌یه‌ك كاتدا له‌ یه‌ك ئامانج بگرێت ، هه‌روه‌ها ده‌توانرێـت له‌سه‌ر جێپ و هامڤی و زۆر جۆری تری ئۆتۆمبێڵ دابنرێت.

موشه‌كی كۆرنێت له‌سه‌ر هامڤیێكی پێشمه‌رگه‌

تاوه‌ری Kliver

ئه‌م تاوه‌ره‌ له‌لایه‌ن KBP دروستكراوه‌ و ده‌توانرێت له‌سه‌ر زۆرێت زریپۆش دابنرێت له‌وانه‌ش زریپۆشی BTR-80 و BMP-1 و هه‌روه‌ها ده‌توانرێت بۆ كه‌شتیه‌ بچوكه‌كانیش دابنرێـت وه‌كو كه‌شتی پاراستنی كه‌نار ، ئه‌م تاوه‌ره‌ 4 موشه‌كی كۆرنێـت هه‌ڵده‌گرێت له‌گه‌ڵ ڕه‌شاشێكی 2A72 ی 30ملم كه‌ مه‌وداكه‌ی ده‌گاته‌ 4كم و خێرایی ته‌قاندنی ده‌گاته‌ 350-400 فیشه‌ك له‌ ده‌قه‌یكدا ، هه‌روه‌ها ڕه‌شاشێكی ناوه‌ندی 7.62ملم هه‌یه‌ له‌ جۆری PKT ، كۆی كێشی تاوه‌ره‌كه‌ ده‌گاته‌ 1500كغ.

تاوه‌ری Kliver

زانياری گشتی

جۆر : موشه‌كی ئاڕاسته‌كراوی دژه‌ تانك

ئامڕازی ئاڕاسته‌كردن : SACLOS 

وڵات : ڕوسیا 

كۆمپانیای به‌رهه‌مهێن : KBP

جۆری كڵاو : دژه‌ تانكی ته‌قینه‌وه‌ی به‌هێز HEAT
                  سێرمۆباریك Thermobaric

تیره‌كه‌ی : 152ملم

كێش موشه‌ك : 29كغ
درێژی : 1200ملم
مه‌وداكه‌ی : 5500م ڕۆژ
                3500م شه‌و

توانای بڕینی قه‌ڵغان : 1200ملم له‌دوای قه‌ڵغانی كاردانه‌وه‌یی ERA