 |
| ی پێشمه‌رگه M1117 زریپۆشی |
زریپۆشی ئاسایشی M1117 هه‌روه‌ها ناسراویشه به Guardian له‌لایه‌ن كۆمپانیای Textron Marine & Land Systems په‌ره‌ی پێدراوه ، له ساڵی 1999وه ده‌ستی به‌خزمه‌تی سه‌ربازی كردووه له فه‌یله‌قی ئاسایشی سه‌ربازی Military Police corp ، ئه‌م زریپۆشه ده‌توانێت به شێوه‌یه‌كی خێرا هێز بڵاوبكاته‌وه له ناوچه شارستانیه‌كان ، له‌هه‌ردوو شه‌ڕی عێراق و ئه‌فغنستان به‌شداریكرد و توانای خۆی سه‌لماند له هه‌ردووو شه‌ڕه‌كه‌دا ، ئه‌م زریپۆشه چه‌ند جۆرێكی هه‌یه ئه‌ویش : فرمان و كۆنتڕۆڵ كردن Command and control ، زریپۆشی گواستنه‌وه‌ی سه‌رباز ICV بۆدیه‌كه‌ی درێژتره و ستافه‌كه‌ی 2 كه‌سه و ده‌توانێت 8 سه‌رباز هه‌ڵگرێـت ، ئه‌مبۆڵانس ، هه‌ڵگری مۆرته‌ر ، چاككردنه‌وه Recovery .
 |
| له جۆری چاككردنه‌وه M1117 زریپۆشی |
چه‌كه‌كان Armament
زریپۆشه‌كه تاوه‌رێكی بۆ دانراوه كه نارنجۆك هاوێژێكی 40ملم له‌جۆری MK19 Mod3 و ڕه‌شاشێكی 12.7ملم له جۆری M2 بۆ دانراوه و هه‌روه‌ها ده‌توانرێت ڕه‌شاشێكی 7.62ملم له‌سه‌ر تاوه‌ره‌كه دابنرێت ، ئه‌م تاوه‌ره له ناو زریپۆشه‌كه‌وه ته‌قه‌ی پێده‌كرێت و هه‌ر له‌ناو زریپۆشه‌كه‌شه‌وه مه‌خزه‌نی چه‌كه‌كان پڕده‌كرێنه‌وه ، چه‌كه‌كانی ئه‌م تاوه‌ره °60+ به‌رز ده‌بێته‌وه و °10- نزم ده‌بێته‌وه.
 |
| M1117 تاوه‌ری زریپۆشی |
دیزاین و پاراستن Design and Protection
قه‌ڵغانه‌كانی ASV M1117 Guardian زۆر به‌هێزتر له زریپۆشه‌كانی تر كه‌هه‌مان قه‌باره‌ی ئه‌ویان هه‌یه ، قه‌ڵغانه‌كانی زریپۆشه‌كه ده‌پارێزن له فیشه‌كی 12.7ملم قه‌ڵغان بڕ Armor-piercing ، هه‌ره‌وه‌ها قه‌ڵغانه‌كانی ده‌ی پارێزن له گوله‌ی مۆرته‌ر (هاوه‌ن)ی 60ملم له‌دووری 3م و له گوله تۆپی 155ملم ی پارچه‌بوو Fragment له‌دووری 15م ، هه‌روه‌ها زریپۆشه‌كه به‌رگه‌ی مینی دژه‌تانك و عبوه IED ده‌گرێت كه قه‌باره‌كه‌یان 5.4kg بێت له TNT ، سیستمی پاراستنی هه‌یه له كارتێكه‌ری بایۆبۆجی و كیمیایی و ناوه‌كی NBC ، هه‌روه‌ها M1117 ده‌توانرێت قه‌ڵغانی زیاتری لێببه‌سترێت .
 |
| زریپۆشێكی پێشمه‌رگه كه به‌شێوه‌یه‌كی كارامه قه‌ڵغانی زیاده‌ی بۆ دانراوه |
جوڵه Mobility
ASV M1117 Guardian بزوێنه‌رێكی دیزڵی له جۆری Cummins 6CTA8.3 بۆ دانراوه كه هێزه‌كه‌ی ده‌گاته 260h/p و خێرایی زریپۆشه‌كه ده‌گاته 97km/h و مه‌وداكه‌ی ده‌گاته 700km ، ئه‌م زریپۆشه ستافه‌كه‌ی له 3 كه‌س پێكدێت (شۆفێر ، فه‌رمانه ، به‌كارهێنه‌ری چه‌ك) وبه‌ڵام له جۆری گواستنه‌ی سه‌ربازدا ICV ستافه‌كه‌ی له 2 كه‌س پێكددێت و ده‌توانێت 8 سه‌رباز هه‌ڵبگرێت ، هه‌روه‌ها ده‌توانرێت به فڕۆكه بگوازرێته‌وه و فڕۆكه‌یه‌كی جۆری C17 ده‌توانێت 6 له‌م زریپۆشانه هه‌ڵبگرێـت،
 |
| M1117 توانای جوڵه‌ی |
زانیاری گشتی
وڵاتی دروستكه‌ر : ولایه‌ته یه‌كگرتوه‌كانی ئه‌مه‌ریكا
سالی ده‌ستپێكردنی خزمه‌ت : 1999
كۆمپانیای به‌رهه‌مهێن : Textron Marine & Land Systems
ژماره‌ی ستاف و سه‌ربازه‌كان : 2+8 له جۆری گواستنه‌وه‌ی سه‌ربازدا ICV
چه‌كه‌كان : نارنجۆك هاوێژ 40ملم (MK19 Mod3)
ڕه‌شاشێكی 12.7ملم
ده‌توانرێت ڕه‌شاشێكی 7.62 ملم ی بۆ زیادبكرێـت
كێش : 13.4 ته‌ن
درێژی : 6.07م
به‌رزی : 2.59م
پانی : 2.56م
بزوێنه‌ر : Cummins 6CTA8.3
توانای بزوێنه‌ر : 260h/p
خێرایی : 97km/h
دوا مه‌ودا : 700km
No comments:
Post a Comment