TOS-1A موشه‌ك هاوێژی ڕوسی

سوپای عێڕاق TOS-1A  كۆمه‌ڵێك موشه‌ك هاوێژی 

TOS-1A جۆرێكی نوێی ئاگر هاوێژی قورسی Heavy flamethrower system ڕوسیه‌ و له‌لایه‌ن كۆمپانیای Uralvagonzavod دروستده‌كرێت، له‌ ساڵی 2001 خزمه‌تی سه‌ربازی له‌ وڵاتی ڕوسیا ده‌ستپێكردووه‌ ، هه‌روه‌ها له‌ وڵاتانی عێراق و ئازه‌ربایجان و كازاخستان خزمه‌ت ده‌كات ، كه‌ عێراق له‌ دژی چه‌كدارانی داعش به‌كاریده‌هێنێت ، TOS-1A به‌كاردێت  بۆ دابینكردنی پشتیوانی ئاگرینی ڕاسته‌وخۆ Direct fire support له‌ كاتی پێشڕه‌وی كردنی هێزه‌كانی پیاده‌ و تانكه‌كان ، دروستكراوه‌ بۆ به‌شداری كردنی تاكه‌كان personnel و شوێنه‌ پته‌وكراوه‌كان fortifications و زریپۆشه‌ سوكه‌كان light armored vehicles ، ئاگر هاوێژی قورس به‌ شێوه‌یه‌كی سه‌ره‌كی له‌ سیستمی موشه‌ك هاوێژی جۆراوجۆر Multiple launch rocket systems ده‌چێت به‌ڵام ئاگر هاوێژ جۆری جیاواز له‌ موشه‌ك ده‌هاویژێت و مه‌وداكه‌ی كه‌متره‌ ، هه‌روه‌هاTOS-1Aزریپۆشی TZM-T به‌كاردێنێت بۆ پڕكردنه‌وه‌ .

TOS-1A سوپای عێراق له‌ كاتی پڕكردنه‌وه‌ی مووشه‌ك هاوێژی  TZM-T زریپۆشێكی

چه‌كه‌كان Armament

TOS-1A هاوێژه‌رێكی هه‌یه‌ كه‌ 24 موشه‌ك ده‌گرێت و تیره‌كانیان 220ملم و درێژیه‌كانیان 3725ملم ، هاوێژه‌ره‌كه‌ له‌ ناوه‌ڕاستی زریپۆشه‌كه‌ دانراوه‌ و ده‌توانێت °360 بسوڕێته‌وه‌ ، به‌پێی ئامانجه‌كه‌ هاوێژه‌ره‌كه‌ ده‌توانێت یه‌ك موشه‌ك یان 2موشه‌ك له‌ یه‌كاتدا ئاڕاسته‌ی ئامانجه‌كه‌ بكات ، به‌لایه‌نی كه‌مه‌وه‌ دوو جۆر موشه‌كی هه‌یه‌ سوتێنه‌ر incendiary  و گه‌رمی thermobaric كه‌ به‌ عه‌ره‌بی پێیده‌وترێـت ( فراغي) ، هه‌روه‌ها ئه‌م چه‌كه‌ زریپۆشی TZM-T به‌كاردێنێت بۆ پڕكردنه‌وه‌ 

TOS-1A عێراقی له‌كاتی هاویشتنی 2 موشه‌ك له‌ یه‌ككاتدا  

ديزاين و پاراستن design and protection 

ئه‌م چه‌كه‌ له‌سه‌ر بۆدی تانكی T-72 ڕوسی دروستكراوه‌ و تاوه‌ره‌كه‌ی Turret بۆ گۆڕدراوه‌ ، ستافه‌كه‌ی له‌ 3 كه‌س پێكدێت و شوێنی شۆفێره‌كه‌ له‌ به‌شی پێشه‌وه‌ی زریپۆشه‌كه‌یه‌ له‌  ناوه‌ڕاستدا و فه‌رمانده‌ و به‌كارهێنه‌ری چه‌كه‌كه‌ له‌دوای شۆفێره‌كه‌وه‌ن . بۆدی زریپۆشه‌كه‌ له‌ پۆڵا دروستكراوه و زریپۆشه‌كه‌ ده‌پارێزێت له‌ فیشه‌كی 7.62ملم له‌دووری 620م و هه‌روه‌ا ده‌یپارێزێت له‌ پارچه‌ی هاوێژراوه‌كان

موشه‌ك هاوێژی TOS-1A له‌گه‌ڵ ستافه‌كه‌ی  

جوڵه‌ Mobility

زریپۆشه‌كه‌ بزوێنه‌رێكی دیزڵی له‌ جۆری V-84MS بۆ دانراوه‌ كه‌ تواناكه‌ی ده‌گاته‌ 840h/p و خێرای زریپۆشه‌كه‌ ده‌گاته‌ 60km/h و مه‌وداكه‌ی ده‌گاته‌ 550km ، كێشی زریپۆشه‌كه‌ 46.500kg 

  موشه‌ك هاوێژی TOS-1A 

زانیاری گشتی 

وڵاتی دروستكه‌ر : ڕوسیا 

كۆمپانیای دروستكه‌ر : Uralvagonzavod

ساڵێ ده‌ستپێكردنی خزمه‌ت : 2001

ژماره‌ی ستافه‌كه‌ی : 3

كێش :46،500kg

درێژی : 7.24m

پانی : 3.58m

به‌رزی : 3.07m

چه‌كه‌كان : 24 موشه‌ك 

تیره‌كه‌یان : 220ملم

درێژی : 3725ملم

كێشی موشه‌كه‌كان : 173kg - 217kg

كێشی كڵاوی موشه‌كه‌كان : 45kg

دوا مه‌ودا : 6km

بزوێنه‌ر : V-84MS

توانای بزوێنه‌ر : 840h/p

خێرایی : 60km/h

دوا مه‌ودای زریپۆش : 550km